ఇల్లు... ప్రతి ఒక్కరి కల. పూర్వం ఒకట్రెండు సంవత్సరాల ఆదాయంతో ఇల్లు కట్టుకునేవాళ్లం. ఇప్పుడు మన జీవితకాల ఆదాయం ఇంటద్దకే పోయే పరిస్థితి. జనాభాతో పాటు పెరగని భూములే దీనికి కారణం. రుణాలు తీసుకోకుండా ఇల్లు కట్టే పరిస్థితి లేదిప్పుడు! కాకపోతే కాస్త ఓపిక పట్టి వివిధ బ్యాంకు హోమ్ లోన్లను పరిశీలిస్తే, దానిలో కూడా కొంత పొదుపు చేయవచ్చు. ఆ టిప్స్ మీకోసం.
- బ్యాంకుల వద్ద ఉన్న పెద్ద మైనస్ వాటి హిడెన్ చార్జెస్ (పైకి చెప్పని రుసుములు). ముందుగా బ్యాంకులో ఏమేం ఫీజులుంటాయో నిర్ధారించుకుని అప్పుడు మొదలెట్టండి. లీగల్ ఛార్జెస్, ప్రీపేమెంట్ చార్జెస్, వాల్యుయేషన్ ఫీజు, ప్రాసెసింగ్ ఫీజు, కమిట్‌మెంట్ ఫీజు వంటివి ఏవి ఉన్నాయి, వాటికి ఎంత కట్టాలన్నది కనుక్కోవాలి.
- అన్ని బ్యాంకుల్లో వడ్డీలు ఒకేరకంగా ఉండవు. అలాగే అందరు కస్టమర్లకు ఒకేరకంగా లోన్లు దొరకవు. కాబట్టి అన్ని బ్యాంకులు తిరగాలి. ఇంటర్‌నెట్, ఫోన్ సాయం తీసుకుంటే సమయం కలిసొస్తుంది. లోన్ అమౌంట్‌ని బట్టి బేరాలు ఆడొచ్చు.
- లోన్ మేళా ఆఫర్ల కింద కొన్ని బ్యాంకు అర శాతం, పావు శాతం వడ్డీలు తగ్గిస్తాయి.
- కొన్ని బ్యాంకుల్లో హోమ్ లోన్ ఇన్సూరెన్స్ ఉచితంగా ఇస్తారు. అన్నీ బేరీజు వేసుకుని లాభదాయకంగా అనిపిస్తే దాన్ని ఎంచుకోవడం మంచిది. ఒకవేళ లోనుతో పాటు ఇన్సూరెన్స్ రాకపోతే మీరు తప్పకుండా చేయించుకోవాలి.
- వడ్డీ రేట్లు మేనేజర్ విచక్షణ మీద కూడా ఆధారపడి ఉంటాయి. మార్కెట్లో ఎక్కడ తక్కువో ఆ బ్యాంకుకెళ్లి బేర మాడండి. వేరే బ్యాంకుల ప్లస్ చూపించి అన్నీ పరిశీలించే వచ్చామన్న భావన మేనేజర్‌లో కల్పిస్తే వడ్డీ రేటు వెసులుబాటు ఉండొచ్చు.
- కొన్ని ఆర్థిక సంస్థలు కొన్ని రకాల డాక్యుమెంట్లు లేకపోయినా రుణాలిస్తాయి. కాకపోతే ఎక్కువ వడ్డీ ఉంటుంది. డాక్యుమెంట్లకు బద్దకిస్తే మొదటికే మోసం.
- ఇల్లు పూర్తి డబ్బుతో, పూర్తి లోనుతో కొనడం మంచిది కాదు. కాబట్టి... కొంత అడ్వాన్సు కట్టి కొనడమే అన్ని విధాల మంచిది.
Hello Prakash gaaru, Me post cluptanga chaaala bagundi. chaala upayogakaramaina vishayalu cheptunnaru.
ReplyDeletekeep it up
Thank you krishna
ReplyDelete